Түркістан облысында  «Берекелі Рамазан керуені» марафоны аясында түрлі қайырымдылық іс-шаралары жалғасып келеді.

Рамазанның соңғы күндерінде мыңдаған отбасыға азық-түлік жеткізілді. Мешіттерден ауызашар қоржыны күнделікті таратылып жатыр.

Облыстық өкілдік пен «Тұяқбай ата» мешітінің жамағаты, сондай-ақ белсенді азаматтардың атсалысуымен кеше 1100 адамға ауызашар берілді. Олардың басым көпшілігі – студенттер.

Облыс имамы Еркебұлан Қарақұлов демеушілерге ризашылығын білдіріп, кәсіптеріне береке тіледі.