ҚМДБ «Зекет және қайырымдылық» қоры, Қызылорда облысы бойынша өкілдіктің ұйымдастыруымен кезекті 3800-ге жуық адамға «Ауызашар дәмі» таратылды.

Елдегі эпидахуалға байланысты Бас мүфти бастамасымен Сыр имамдары мен ерікті жамағаты дәстүрден жаңылмай, аймақтағы аурухана мен жедел жәрдем қызметкерлеріне, темір жол мен авто вокзалдардағы жолаушыларға, автобус жүргізушілеріне және ауызашар уақытында жұмыста болатын азаматтар мен жалпы облыс тұрғындарын мүбәрак аймен құттықтап, ыстық тағамдар мен түрлі дәмдерін ұсынды.

Айта кетейік, Рамазан айының алғашқы аптасында 700 адамға тамақ таратылған болса, облыс бойынша жалпы 4500-ге жуық адамға «Ауызашар дәмін» сыйлады.