Қостанай облысы Федоров аудандық «Жиентай қажы» мешітінің ұжымы қасиетті Рамазан айы кезінде қайырымдылық шарасын жүзеге асыруда. Бас имам Ерлан Тілегенов дін қызметкерлерін ортақ мақсатқа жұмылдыруда.

Жуырда мешіт қызметкерлерінің атсалысуымен «Рамазан шуағы» деп аталатын қайырымдылық шарасы ұйымдастырылды. Шара барысында 30 отбасыға азық-түлік салынған ауызашар қоржыны үлестірілді.

Олардың қатарында көпбалалы және жалғызбасты аналар бар. Сондай-ақ аудандағы әлеуметтік жағынан қолдауға мұқтаж отбасылар да қамтылды. Қамқорлыққа бөленген кісілер мешіт қызметкерлері мен демеушілерге алғыс айтты.