Карантин талаптарын сақтау мақсатында ауызашар қоржындары Атырау облысы, Мақат кентінің көшелерінде, яғни, ашық аспан астында таратылды.

Мақат орталық мешітінің ұйымдастыруымен өткен ізгілік акциясын жергілікті тұрғындар жылы қабылдады.

«Қасиетті Рамазан – берекенің, бірліктің айы. Бұл айда жасалатын әр ізгі амалдың сауабын бір Алланың өзі ғана береді. Бастысы, санитарлық – эпидемиологиялық ахуалдың күрделілігіне қарамастан, қайырымдылық акцияларымызды қашықтықтан болса да ұйымдастыруға мүмкіндік бар. Бастысы, еліміз аман болсын» дейді Мақат аудандық орталық мешітінің бас имамы Біләл Сағындықов.