ҚМДБ-ға қарасты «Зекет және қайырымдылық» қорының Маңғыстау өкілдігі «Берекелі Рамазан сыйы» жобасына үн қосты.

Игі іс-шараға Маңғыстау облысының бас имамы Әнуар Ізімбайұлы мен «Зекет және қайырымдылық» қорының жергілікті өкілі Іздібай Бегенұлы қатысып,  облыстық ауруханасының 45 дәрігеріне арнайы сыйлық жасалды.

«Бұл шараны ҚМДБ төрағасы, Бас мүфти Наурызбай қажы Тағанұлының бастамасы аясында жүзеге асып жатырмыз. Түрлі қауіпті індеттермен күресте алдыңғы шепте жүріп, адам жанының арашасы болған ақ халатты абзал жандарға құрмет көрсету – біздің міндетіміз. Алла сіздерге күш-қуат берсін!», деп Әнуар Ізімбайұлы облыстық аурухананың Жедел медициналық көмек көрсету бөлімінің басшысы Айберген Қайырқұлұлы бастаған дәрігерлерге ізгі тілегін білдірді.