Шығыс Қазақстан облысы Ұлан аудандық «Мұса баба» мешіті Таврия ауылындағы қарттар үйіндегі қарияларға қайырымдылық көмек көрсетті.

Іс-шара қасиетті Рамазан айы құрметіне орай ұйымдастырылды. Ұлан аудандық «Мұса баба» мешітінің қызметкерлері мекемедегі қарттардың көңілін сұрап, жағдайымен танысты. Қарттарға азық-түлік және тұрмыстық заттар табыс етілді.

«Мұса баба» мешітінің имамы Зауытбек Сайлауұлы: «Асыл дініміз Исламда қарияларға көмек көрсету туралы тағылымдар өте көп. Қарттар – біздің шежірелі қазынамыз. Қарттар мекемесі – біздің басты назарымызда. Қайырымдылық көмек көрсету шарасы жүйелі түрде жасалуда» деп атап өтіп, қасиетті Рамазан айының маңызын түсіндірді.

Қарттар үйінің басшылығы шараны ұйымдастырушыларға алғыс білдірді.