Алматы облыстық «Қарасай батыр» мешітінде ел Тәуелсіздігінің 30 жылдық мерейтойына орай «Үміт шуағы» қайырымдылық қорының қолдауымен өңірдегі 30 мешітке дыбыс күшейткіш құралдары мен сымсыз микрофондар сыйға берілді.

Бұл құралдардың ерекшелігі электр жарығы болмаған кез келген жерде пайдаланып, уағыз айтып, Құран оқу үшін пайдалануға болады. Алматы өңірінің бас имамы Қуаныш Бақытбекұлы қайырымдылық қор өкіліне алғысын жеткізіп, дыбыс күшейткіш құралдарын облыстағы аудан-ауыл имамдарына табыстады.