ҚМДБ-ның Талдықорған өңірі өкілдігі демеушілердің қолдауымен орталық «Иман» мешіті және қалалық «Жетісу» мешітінде «Рамазан сыйы» атты акциясын ұйымдастырып, 300 отбасыға азық-түлік себеттері таратылды.
Арнайы ұйымдастырылған шараға, өңірдің бас имамы Ардақ Нүсіпханұлы қатысып, Жетісу жұртшылығын Рамазан айымен құттықтап әрі мешітке өтініш жазған мұқтаж отбасылардан тыс 5 уақыт намазға келуші жамағаттың жұбайларына және мешіт қызметкерлеріне (күзетші, тазалықшы, аула сыпырушы) азық-түлік себеттерін өз қолымен табыс етті.
Айта кетейік, азық-түлік себеттері салынған қорап 10 кг ұн, 5 кг күріш, 5 кг кеспе, 5 литр май және 1 кг тұзды қамтыды.
Пікірлер (0)
Тіркелген қолданушылар ғана пікір қалдыра алады. Сайтқа кіру