Түркістан облыстық мешітінде өңір имамдарының кезекті жалпы жиналысы өтті.

Жиында Рамазан айына дайындық пысықталып, тоқсан қорытындыланды. Облыстың бас имамы Еркебұлан Қарақұловтың төрағалығымен өткен жиында ҚМДБ төралқа мәжілісінде қабылданған іс-шаралар легіне жеке-жеке тоқталды. Аудан-қала имамдарына Рамазан айында да мешіттерде карантин талаптарының сақталуын қадағалау мақсатында бірқатар тапсырма берілді.

Сондай-ақ жиын барысында әр бөлімнің басшылары жасалып жатқан іс-шаралар бойынша баяндама жасады. Еркебұлан Қарақұлов жаңадан тағайындалған кадрларды ұжымға таныстырды. Жиналыста Рамазан айына дайындық мәселесі жан-жақты пысықталып, мүфтият тапсырмасына сәйкес жұмыс жоспары бекітілді