Талдықорған өңірінің бас имамы Ардақ Нүсіпханұлы Алматы облысы Кербұлақ ауданы имамдарымен кездесу өткізді.

Жиын барысында дін қызметкерлеріне еліміздегі мұсылмандардың қара шаңырағы – Қазақстан мұсылмандары діни басқармасы қабылдаған құжаттардың кітап болып жарыққа шыққан концептуалды құжаты таныстырылды. Әдеп кеңесінде қаралған мәселелер бойынша да имамдарға түсінік берілді.

Қазіргі таңда Кербұлақ ауданының діни ахуалы жақсы. Діни кадрлар қатары жас мамандармен толыққан. Өңір бойынша бүгінде 24 мешітте жүргізіліп отырған дәрістердің жүйелілігі мен 30-ға жуық діни қызметкердің еңбегін тілге тиек еткен жөн.