Қазақстан мұсылмандары діни басқармасының 2021 жылға арналған жұмыстың жеті бағыты бойынша Қарағанды облысына қарасты Ақтоғай аудандық мешітінде жиын өтті.

Басқосуға ауданға қарасты ауыл имамдары толық қатысты. Жиын барысында ҚМДБ-ның бекіткен 7 бағыты бойынша түсіндірме жұмыстары жүргізіліп, үш құжат имамдарға жеке-жеке таныстырылды. Атап айтқанда, «Зияткер имам», «Ас беру мәдениеті» мен «Зират және Зиярат мәдениеті» кітапшалары имамдарға кеңінен таныстырылды.

Алдағы уақытта ауыл имамдарына осы үш құжат бойынша жергілікті халыққа кеңінен насихат жұмыстарын жүргізу тапсырылды.