Қостанай облысының бас имамы Бахытбек Тәжімбет Федоров ауданында болған сапарында барша дін қызметкерлеріне алдағы уақытта басшылыққа алар бірқатар шаралар туралы айтты.

Көпшілікке мәлім, Қазақстан мұсылмандары діни басқармасының тікелей қолдауымен «Концептуалды құжаттар» жинағы жарық көрген болатын. Осы тұғырнамаға «Мұсылманның тұлғалық бейнесі», «Зират және зиярат мәдениеті», «Ас беру мәдениеті» секілді аса маңызды жайлар қамтылған.

Өңірдің барлық имамдары бас қосқан бұл семинарда осы кітап жан-жақты таныстырылды және табысталды. Жинақ әрбір имамның күнделікті қызметінде қолданатын, құнды дүние екені даусыз.