Қызылорда облысы Шиелі аудандық орталық мешітінің ұйымдастыруымен ауданға қарасты аудан-ауыл мешіттері имамдарына арналған білім жетілдіру семинары өтті.

Семинарда ҚМДБ Шариғат және пәтуа бөлімінің Қызылорда облысы бойынша жауапты өкілі, «Ақмешіт-Сырдария» орталық мешітінің наиб имамы Жеңіс Әбибуллаұлы ақида ілімі бойынша дәріс берді.

Сондай-ақ ҚМДБ Қызылорда облыстық өкілдігінің Шиелі ауданына жауапты кураторы, «Ақмешіт-Сырдария» орталық мешітінің наиб имамы, қари  Шыңғысхан Жапарханұлы Құран Тәжуид ережелері бойынша тәжірибе алмасты.

Семинар соңында сұрақтарға жауап беріліп, ұсыныс-пікірлер тыңдалды.