Қызылорда облысының бас имамы Болатбек Абуов Арал ауданына қарасты Тоқабай ауылында сапарда болды.

Сапар барысында бас имам Наурыз мейрамына орай ұйымдастырылған «Әли Мақсым» мешітінің жаңа ғимаратының ашылу рәсіміне қатысып, демеушілік​ танытқан жергілікті кәсіпкерлер мен ауыл халқына алғыс білдірді.

Ел Тәуелсіздігінің 30 жылдық мерейтойы аясында ашылған құлшылық үйі ​ 70 адамға арналған. Айта кетейік, 1995-1996 жылдары пайдалануға берілген көне мешіт ғимаратының тозығы жеткендіктен, 2019-2020 жылдары заман талабына сай жасақталған жаңа ғимараттың құрылысы жүргізілген болатын.