Наурыз мерекесінің құрметіне Атырау облысының Жылыой ауданында мешіттер арасында волейболдан жолдастық кездесу өтті.

Салауатты өмір салтын насихаттау, мешіт ұжымдары және жамағат арасында ынтымақтастықты, бауырмалдылық сезімді нығайту мақсатында өткен волейбол жарысына үш команда қатысты.

Тартысты бәсекеде "Тұрғызба" ауылдық мешіті командасы топ жарды. "Нұрқас Сатыбалды" мешіті және Жылыой аудандық орталық мешіті командалары екінші және үшінші орындарды өзара бөлісті.

Еске сала кетелік, қазіргі уақытта Жылыой ауданында үш мешіт жұмыс істеп тұр. Жылыой аудандық орталық мешіті Құлсары қаласында орналасқан. Ал Тұрғызба ауылдық мешіті Жылыой ауданындағы Тұрғызба елдімекенінде ірге тепкен. "Нұрқас Сатыбалды" мешіті 2006 жылдан бері Жаңақаратон поселкесі тұрғындарының игілігіне қызмет көрсетіп келеді.