Шымкент орталық мешіті жанынан ашылған Шымкент имамдарының білімін жетілдіру орталығында кәсіби қайта даярлау және біліктілігін көтеруге арналған 12 күндік семинар өтті.

Семинарға Шымкент қаласының бас имамы Бақдәулет Нұрматұлы қатысып, алғашқы тыңдаушыларға сертификат табыс етті. Семинарда Құран және тәжуид, ақида негіздері және шариғат үкімдері пәндерінен дәріс оқылды.

Дәрісті мешіттің білікті ұстаздары Нұрсұлтан Мамадалиев, Ералы Есенгелдиев және Мейірбек Сәрсенбаев жүргізді. Арнайы курсқа қаладағы барлық мешіттің діни қызметкерлері қатыстырылды.

Жалпы, кәсіби қайта даярлау және біліктілігін көтеруге арналған 12 күндік курс жұмысын алты айға дейін жалғастыру көзделуде.