Қызылорда облысы Арал аудандық орталық мешітінде аудан-ауыл мешіттері имамдарының жиыны өтті.

Жиналыста ҚМДБ-ның Қызылорда облысы бойынша өкілдігінің Арал ауданы бойынша жауапты кураторы, облыстық «Ақмешіт-Сырдария» орталық мешітінің наиб имамы Жеңіс Әбибуллаұлы Қазақстан мұсылмандары діни басқармасы бекіткен жеті бағыт бойынша аудан-ауыл мешіттерінің жұмыс барысын пысықтап, жұмыс жоспарының жүйелі жүргізілуін, жұма намазы және басқа уақыттарда сақтық шаралары мен санитарлық талаптардың сақталуын, мешіт сөрелерінде ҚМДБ сараптамасынан өткен діни әдебиеттердің тұруын және де Бас мүфти тапсырмасына сәйкес, жол бойында орналасқан мешіттер мен дәретханаларында жолаушыларға қолайлы жағдай жасалуын қадағалауды тапсырды.