ҚМДБ тарапынан бекітілген жеті жұмыс бағытының ішінде жат діни ағым өкілдерімен жұмыс ерекше маңызға ие. Осы орайда Теміртау орталық мешітінде алқалы жиын өтті.

​Теміртау қаласының бас имамы Естай Айтуғанұлының төрағалығымен өткен жиналысқа жергілікті мешіттердің имамдары, ұстаздары, азаншылары және өзге де қызметкерлері қатысты.

​Бас имам дін қызметкерлеріне дәстүрлі емес діни ағым өкілдерімен жұмыс жүргізудің өзекті мәселе екендігін айта келе:

​«Біріншіден, мешіттерімізге келетін жат діни ағым өкілдерімен сұхбат арқылы дәстүрлі ханафи мәзһабының құндылықтарын жеткізуге тырысуымыз керек. Сондай-ақ, жамағат арасындағы ынтымақтастықты арттыру мен өзара салауатты өмір салтын ұстануды насихаттау мақсатында түрлі спорттық іс-шараларды ұйымдастыруымыз қажет. Екіншіден, түзету мекемелеріндегі жеке және топтық түсіндірме жұмыстарына ерекше көңіл бөлінуі тиіс» деді.

​Бұдан бөлек, Естай Айтуғанұлы осы бағытта алдағы уақытта атқарылуы тиісті жұмыстарға байланысты бірқатар тапсырмалар берді.