ҚМДБ Талдықорған өңірі өкілдігінің ұйымдастыруымен Көксу аудандық Балпық би мешітінде «Ихсан ілімі – ізгіліктің бастауы» атты семинар өтті.

Кездесу қонағы Ескелді аудандық мешітінің бас имамы Ордыбай Мұхаммед жиынға келген дін қызметкерлеріне осы түсініктің ілімін жан-жақты насихаттап, қазақтың дүниетанымына ежелден белгілі Ихсан іліміне ерекше мән беру қажеттігін атап өтті.

ҚМДБ-ның төрағасы, Бас мүфти Наурызбай қажы Тағанұлының тапсырмасына сай әр өңірде алдағы уақытта «Ихсан» ілімін, Абайдың «Кемел адам» концепциясын кеңінен дәріптеп, насихаттау жұмыстары жүргізілетінін мәлімдеді.