ҚМДБ Қызылорда облысы өкілдігі Әйелдер-қыздар секторының ұйымдастыруымен әйел жамағатына арналған «Рухани тәрбие – отбасы бірлігінің бастауы» тақырыбында рухани кездесу өтті.

Іс-шарада сектор жетекшісі Л.Сыдықова отбасы институтында Ихсан ілімінің алатын орнына тоқталып, дін мен дәстүрге негізделген рухани тәрбие жайлы түсіндірді.

Сонымен қатар ақ жаулықты әжелер, бойжеткен қыздар мен жас келіндерге өнегелі өмірінен ғибратты мысал келтіріп, шаңырақ шаттығын сақтаудағы әйелдің атқарар рөлі мен ана сүті арқылы баланың көркем мінез-құлқын қалыптастырудың маңыздылығын атап өтті.