Қостанай қалалық «Жайлаубай ата» мешітінде Қостанай өңірлік университеті студенттерінің қатысуымен «Иман, ислам, ихсан ілімдері» тақырыбында рухани кеш өтті.

Жүздесуде «Жайлаубай ата» мешітінің бас имамы Шоқан қажы Ғазизұлы сөз сөйлеп, кездесуге арқау болған тақырыпқа жан-жақты тоқталды. Сондай-ақ наиб имам Мейрамбек Жетесов жиналған жастарға уағыз-насихат айтып, тақырыптың маңыздылығына мән берді.

Жүздесу өте әсерлі өтті. Студенттер көп жайға қанығып, сауалына нақты жауап алды.