Жалдамалы бір бөлмеде 7 баласымен күнелткен  Нафиса Мамадхан баспаналы болды.

Түркістан қаласы бойынша зекет және қайырымдылық бөлімінің жетекшісі Жаһангир Абдуалиевтің ұйытқы болуымен көпбалалы анаға 5 бөлмелі пәтердің кілті табысталды. Кілем төселіп, қонақ бөлмесі мен ас үйге жиһаздар қойылды. Үй құжаттары жаңа егесінің атына рәсімделіп, қолына берілді.

Бұл «Ел үлесі – пәтерге» акциясымен берілген 350-баспана. Биыл ҚМДБ 30 үй беруді жоспарлаған. Ал Түркістан облысы бойынша жыл басынан бері төртінші үй мұқтаж отбасыға тарту етіліп отыр.