Теміртау орталық мешітінің жанында осындай тақырыпта қайырымдылық жәрмеңкесі өтті.

Жергілікті Әйел-қыздар секторының ұйымдастыруымен өткен іс-шара барысында әйел жамағаты мен қайырымды жандар өз қолымен пісірген түрлі тағам түрлері, тәттілер, сондай-ақ қолөнер бұйымдары сатылды. Жәрмеңкеден түскен барлық қаражат толығымен қайырымдылыққа бағытталып, әлеуметтік жағдайы төмен, мұқтаж жандардың қажетін өтеу үшін жұмсалды.

«Сіздің әзірлеген тағамыңыз, жасаған бұйымыңыз арқылы бір адамның  мұқтаждығының өтелуі – сауапты әрі хайырлы іс. Осындай ізгі шаралар арқылы адамдарды өзара мейірімділікке, бауырмалдыққа шақырамыз. Алдағы уақытта мұндай қайырымдылық шаралары, жәрмеңкелер қалалық Әйелдер-қыздар секторының ұйымдастыруымен тұрақты түрде өткізіледі» деді Теміртау орталық мешітінің бас имамы Естай Айтуғанұлы.