Қостанай өңіріндегі барлық қалалар мен аудандардың бас имамдары облыстық мешітте бас қосып, семинар өткізді.

Жиында биыл атқарылатын жұмыстар талқыланып, бағыт-бағдары түсіндірілді. Атап айтқанда, ақпарат және қоғаммен байланыс, уағыз-насихат, қайрымдылық, оқу ағарту және кадрлық әлеует, рухани тәрбие және Ихсан ілімі, дін мен дәстүр, жат ағымдардардың алдын алу жұмыстары жүргізіледі.

Жиын соңында облыстық мешіттің наиб имамы Бақытжан Икрам, қалалық «Жайлаубай ата» және Ұзынкөл ауданының «Балықты» мешітінің бас имамдары Шоқан Ғазизұлы мен Есенгелді Сақтағанұлы ҚМДБ-ның 30 жылдығына арналған мерекелік медальмен марапатталды.