Түркістан облысының Созақ ауданы оңтүстіктің теріскейінде орналасқан. Басқа аудандарға қарағанда қысы қатты, көктемі кештеу келетін жер.

Аудан имамының тапсырмасымен қыстың көзі қырауда шын мұқтаж отбасыларға отын жеткізу жоспарланды. «Жылу сыйла» акциясы аясында «Igi qadam» ЖШС-нің демеушілігімен 20 отбасыға 1 тонна көмірден таратылды. Созақта қатты отынның тоннасы 17-20 мың теңгенің арасында.

«Жуантөбе» мешітінің имамы Сабыр Амандосов серіктестік директоры Нұрбақыт Өксікбаевқа алғыс айтты.

Айта кетейік, аудан бойынша қыс басталғалы 100 шақты отбасыға ағаш, көмір жеткізілді.