Елордадағы «Ырыскелді қажы» мешітінде ҚМДБ Нұр-Сұлтан қаласы өкілдігі Әйел-қыздар секторының ұйымдастырумен қыз-келіншектер арасында Құран Кәрімді жатқа және мәнерлеп оқу жарысы өтті.

Сайыс үш бөлім бойынша жүргізілді. Атап айтсақ: Құранның 30-парасы, «Дұха» және «Нас» сүрелерінің аралығы және мәнерлеп оқу. Жеңімпаздарға арнайы ақшалай сыйлықтар мен сертификаттар және де қасиетті Құран Кәрім кітабы сыйға берілді.

Нұр-Сұлтан қаласының бас имамы Ерболат Жүсіпов қатысушыларға ризашылық білдіріп, Алланың қасиеті кітабы Құран Кәрімді жаттаудың сауабы мен маңыздылығы жайында жамағатқа уағыз айтып, жеңімпаздарды марапаттады.