Қостанай облыстық мешітінің ұжымы облыстық ауруханаға 495 мың теңге көлемінде қайырымдылық көмек көрсетті.

Өңірдің бас имамы Бахытбек Тәжімбет облыстың аурухана бас дәрігерінің орынбасары Арман Баймағамбетовке 12 пульсоксиметр, 250 парацетамол дәрісін табыс етті.

«Облыстағы барлық мешіттер ауруханалармен тығыз жұмыс жасауда. Осыған дейін ауруханаларға оттегі аппараттары берілген болатын. Пульсоксиметр қажеттілігі туындаған кезде оны да жеткізіп бердік» деді Бахытбек Тәжімбет.