Түркістанға ресми сапармен келген Венгрияның Қазақстандағы Төтенше және өкілетті елшісі Михай Галошфай мен Венгрияның Алматыдағы бас консулы Ференц Блауманн облыстың бас имамы Еркебұлан Қарақұловпен жүздесті.

Михай Галошфай мен Ференц Блауманн бас имаммен діни тұрақтылық, ауызбіршілік жайында әңгімелесті. Облыс имамы Түркістанда Түркі әлемінің саммиті өтетінін, сондай-ақ ҚМДБ бойынша ел игілігі үшін атқарылып жатқан жұмыстар жайында сөз қозғады.

Елшілермен сұхбат мазмұнды болды. Қазақы құрметпен қадірлі қонақтардың иығына шапан жауып, кәдесый тарту етілді.