Маңғыстау облысы Жаңаөзен қаласындағы «Шаңырақ» мешітінің имамдары ерекше қайырымдылық шарасын өткізді.

Іс-шараны аталған жанынан ашылған «Иманды жастар» тобы мен «Игі істер» қоғамдық қорының еріктілері ұйымдастырды.

Жыл он екі ай бойы ауа-райының қолайсыздығына қарамастан, Жаңаөзен қаласының көшелерінің тазалығына ерекше мән беріп, оларды абаттандыру мен көркейту үшін бар күш-қайратын жұмсап жүрген азаматтар аз емес.

Тазалық саласында еңбек етіп жүрген азаматтардың қажырлы еңбегін бағалап, көңілін марқайту мақсатында дін қызметкерлері мен еріктілер 40 кісіге ыстық тағам, кофе және бәліш үлестірді.