ҚМДБ Төрағасы, Бас мүфти Наурызбай қажы Тағанұлының бастамасымен «Имамдардың қызметтік әдебі» құжаты қабылданған болатын.

Осы құжатқа сәйкес өңір имамдарының киім үлгісін бір қалыпқа енгізу бағытында ҚМДБ Өскемен аймағы өкілдігі айрықша іс-шара өткізді. Өңірдің бас имамы Ермек Қасболатұлы Шығыс Қазақстан облысы Глубокое ауданы имамдарына жаңа шапан, сәлде тарту етті.

«Бас мүфтидің бастамасымен іске асып жатқан имамдардың қызметтік әдебінің талабы бойынша имамдардың ішкі рухани кемелдігімен қатар сыртқы келбеті, киім киісінде бірізділік болуы тиіс. Осыған сәйкес өңір имамдарын стандартқа сай шапан және сәлдемен қамту шарасын қолға алып жатырмыз» деп атап өтті Ермек Қасболатұлы.

Сонымен қатар бас имам дін қызметкерлеріне имамдардың қызметтік әдебі жайлы айтып, «Зияткер имам» құжатын насихаттады.