Бүгін ҚМДБ Әйел-қыздар секторының Қарағанды облысы бойынша жауапты өкілі, Қарағанды облыстық «Әнет баба» мешітінің ұстазы Арай Серғалиқызы іс-сапармен Жезқазған және Сәтбаев қаласына ат басын бұрды.

Сапар барысында сектордың облыс бойынша жауаптысы Арай Серғалиқызы аталған аймақ мешіттерінің ұстаздарымен кездесіп, арнайы жиын өткізді. Жиын барысында Әйел-қыздар секторының Жезқазған өңірі бойынша жауапты маманы ретінде Рахима Талинбекова тағайындалып, бөлімнің мақсаты мен қыр-сырын таныстырылды.

Сондай-ақ өңір ұстаздары бас қосқан жиында жат ағым және ҚМДБ-ның арнайы бекіткен жеті бағыты талқыланды. Тың жобалар мен жоспарлар бекітіліп, мақсаттар алға қойылды.