Түркістан облысы Созақ аудандық орталық мешітінің ұйымдастыруымен «Анаң – жәннатың» атты кездесу өтті.
Кездесуге мешіт жамағаты пен ақ жаулықты аналар қатысты. Алдымен Созақ ауданының имамы Мейрамбек Әбдіқұлов аналарды ардақтау, Ислам діні келгеннен кейінгі әйелдердің мәртебесі жайында насихат айтты.
Іс-шараның мақсаты ана мен бала арасындағы сыйластықты арттыру болды. Азаматтар аналарынан көпшілік алдында қателіктері үшін кешірім сұрап, сый-сияпат жасады. Аналар балаларына ризашылық білдіріп, ақ батасын жаудырды.
Кездесуге 12 ана шақырылды. Іс-шараның жалғасты болуына жамағат қолқа салды. Ендігі жүздесуді наурыз айында өткізу жоспарланды.
Пікірлер (0)
Тіркелген қолданушылар ғана пікір қалдыра алады. Сайтқа кіру