Жамбыл облысы Қордай ауданында кәсіпкер азаматтардың демеушілігімен «Асар – ел бірлігі» атты қайырымдылық шарасы өтіп, 5 отбасы баспаналы болды.

Шараны ұйымдастырып, асар жасауға көпшілікті жұмылдырып, игі іске ұйытқы болған – мешіт қызметкерлері. Тұрғындардың қуанышын бөлісуге ауылдастары қатысып, ауданның бас имамы Асқар Зәкіржанұлы баспана кілтін табыстады. Қуанышы қойнына сыймаған отбасыларға береке, молшылық, амандық тілеп, ақсақалдар бата берді.

Айта кетейік, 5 отбасыны баспанамен қамтуға 30 млн теңге көлемінде қаражат жұмсалды.