ҚМДБ «Зекет» қорының Қарағанды облысындағы өкілі дүниеден өткен Светлана Мейрамқызының ұрпақтарының қайырымдылық шарасын атқарды.

Сауапты шара Қарағанды облыстық «Әнет баба» мешітінде өтті. Шара барысында әлемде болып жатқан індетке байланысты жұмысынан және табысынан айырылған көпбалалы және мүмкіндігі шектеулі 15 отбасының үйіне азық-түлік пен киім-кешек жеткізілді. 

«Зекет» қорының Қарағанды облысындағы өкілі Мұхит Джаримбетов шара барысында уағыз-насихат айтып, қайырымды істің жоғары деңгейде өтуіне атсалысып, марқұмның туыстарына алғыс білдірді.