Солтүстік Қазақстан облысындағы «Қызылжар» облыстық орталық мешітінің ұйымдастырумен кезекті қайырымдылық шарасы өтті.

Бұл жолы олар «Отбасы үлгісіндегі балалар ауылы» мекемесіне барды. Игілікті шара барысында жетім балаларға киім-кешек және тәтті сыйлықтар үлестірді. Шараның негізгі мақсаты – ата-ана қамқорлығынсыз қалған жетім балалардың жүрегіне жылу ұялатып, жүздеріне күлкі сыйлау.

Бүгінде аталған балалар үйінде 30-ға шақты ұл-қыз тәрбиеленіп келеді. Мекеме басшылығы дін қызметерлеріне алғыс білдірді.