ҚМДБ Қызылорда облысы бойынша өкілдігі Жастар ісі секторының бастамасымен Жалағаш аудандық «Иманқұл ата» мешітінің ұйымдастыруымен «Қолыңнан келсе, қолғабыс ет!» акциясы өткізілді.

Ауа-райының қолайсыздығына қарамастан, аудан орталығында жұмыс істеп жатқан көше тазалығы қызметкерлеріне, емхана құрылысында еңбек етушілерге, жалдамалы жұмыс жасаушыларға, көлік жүргізушілеріне ыстық тамақтар, ыстық шай мен тіскебасар тәттілер таратылды.

Акцияның мақсаты – жастарға үлкендерді құрметтеуді, еңбекті бағалауды насихаттау және мейірімді болуға, жақсылық жасауға шақыру.