Шымкент қаласы, Абай ауданы «Масжидур Рохман» мешітінің ұйытқы болуымен «Мұқтаждың мұңын бөліс» атты қайырымдылық шарасы өтті.

Іс-шара барысында алдымен ұйымдастырушы «Масжидур Рохман» мешітінің бас имамы Анарғали Керімбеков сөз алып, демеушілік жасаған азаматтарға алғыс айтып, көмекке мұқтаж отбасыларға насихат айтты.

Қайырымдылық шара барысында көпбалалы, мүмкіндігі шектеулі мұқтаж жандардың тұрмыс жағдайы назарға алынды. Жалпы көмекке мұқтаж 10 отбасыға құны жиырма мың теңгені құрайтын азық-түлік (ұн, май, қант, шәй, макарон, күріш, картоп т.б.) заттар үлестірілді.