ҚМДБ Қостанай облыстың өкілдігі Жастар ісі секторының ұйымдастыруымен «Қолыңнан келсе, қолғабыс ет!» атты акция басталды.

Іс-шараның мақсаты – қыс айларындағы ауа-райының қолайсыздығына қарамай тазалық сақтау мақсатында жұмыс істеп жүрген азаматтарға мейлінше көмек көрсету.

Таяуда Арқалық, Рудный, Тобыл қалалары мен Ұзынкөл ауданында осындай акция өтті. Акция барысында аязды күндері дамыл таппай ел игілігі үшін қызмет атқарып жатқан кісілерге ыстық шай мен құнарлы тамақ берілді.

Осылайша еріктілер өздерінің лайықты үлесін қосты. Олар қолдан келген көмегін аяған жоқ.