Қазақстан мұсылмандары діни басқармасының бастамасымен елімізде «Қайырымдылық керуені» акциясы жалғасын табуда.

Осынау игілікті мақсатқа арналған шара Қостанай облысының көптеген қала, аудандарында қолдау тауып жүзеге асырылып келеді. Жақында ғана өңірдегі Федоров аудандық «Жиентай қажы» мешітінде акция ұйымдастырылып, жұртшылықтың үлкен алғысына ие болды. Мешітте көмекке мұқтаж 30 отбасыға және көпбалалы аналарға азық-түлік қоржыны табыс етілді.

Мұндай қамқорлыққа кенелген бауырларымыз шексіз қуанышқа бөленіп, мешіт қызметкерлері мен демеушілерге жүректен шыққан шынайы лебіздерін білдірді.