Тәуелсіздік мерекесі қарсаңында Шымкент қаласындағы «Айтбай ата» мешітінің бас имамы Есалы Тәжібаевтың ұйымдастыруымен қайырымдылық шарасы өтті.

Іс-шараға қаланың Абай аудандық мешіттің бас имамы Бердалы Жәміш қатысып, Шымкент қаласының бас имамы Бақдәулет қажы Нұрматұлының атынан сәлем айтып, мерекемен құттықтады.

Қайырымдылық шарасы барысында көпбалалы, мүмкіндігі шектеулі мұқтаж жандардың үйлерін аралап, тұрмыс жағдайын біліп, жалпы көмекке мұқтаж 40 отбасыға азық-түлік берілді.