«Руханият» бірлестігінің ұйымдастыруымен Батыс Қазақстан облысындағы Жаңақала аудандық мешітінде мешіт жамағаты арасында үстел теннисінен аудандық жарыс ұйымдастырылды.

Алдымен аудан имамы Жомарт Лұқпанов сөз алып, мерекемен құттықтап, жарысқа қатысушыларға сәтттілік тіледі. Үстел теннисі сайысы қызықты да тартысты болды. Жарысқа мешіт жамағатынан 10 адам қатысты. Әр ойыншы өзінің шеберлігін танытып, спортқа деген қызығушылығын көрсете білді. Тартысты өткен жарыс қорытындысы бойынша жүлделі бірінші орынды ережесіз жекпе-жектен облыстың жеңімпазы және ауданымыздың бапкері Ақжол Әділғалиев иемденді.

Екінші орынды футбол ойынында да үлкен шеберлігімен көзге түсіп жүрген және облыстың үздік қақпашыларының бірі Нұрлыбек Нұртайұлы алды. Жүлделі үшінші орынға Жаңақала аудандық мешітінің наиб имамы Алтынбек Болатов ие болды. Жарыс жеңімпаздарына «Руханият» бірлестігі атынан грамоталар мен ақшалай сыйлықтар табыс етілді.