Атырау облыстық орталық «Иманғали» мешітінің бас имамы Алтынбек Ұтысханұлы екі бірдей баласы ауыр науқасқа шалдыққан жалғызбасты анаға арба сыйлады.

Атыраулық Фарида Таздарбаеваның ұлы бала кезден сырқат. Осыны ескерген өңірдің бас имамы Алтынбек Ұтысханұлы демеушілерді ұйымдастырып, арбаны иесіне өз қолымен табыстады.

Айта кетейік, бұған дейін Атырау облыстық орталық «Иманғали» мешіті бұл мұқтаж отбасына мүфтияттың «Ел үлесі пәтерге» жобасы аясында баспана тапсырған болатын.