БҚО Жалпақтал мешітінің ұйымдастыруымен Тәуелсіздік күніне орай шәкірттер арасында Құранды жатқа айтып, мәнерлеп оқудан және 40 парызды жатқа айтудан білім сайысы өтті.

Мешіт шәкірттері Пайғамбарымыз Мұхаммед (оған Алланың салауаты мен сәлемі болсын) тәлімді өмірінен әртүрлі сұрақтарға да жауап берді. Ауылдық мешіттің наиб имамы әрі ұстазы Алтынбек Мұратұлы ниет етіп келген мектеп оқушыларына діни дәріс беріп келеді. 

Қызықты әрі пайдалы өткен сайыс соңында шәкірттерге Жалпақтал мешітінің бас имамы Тілек Нұралиев бағалы сыйлықтар мен мақтау қағазын табыстады.