Тәуелсіздік мерекесі қарсаңында ҚМДБ-ның Шымкент орталық мешіті және қала әкімдігінің ұйытқы болуымен орталық мешіт ауласына ағаш отырғызылды.

Игі іс-шараға Шымкент қаласының бас имамы Бақдәулет қажы Абдрахманов және қалалық «ЛТД Тұрмыс» ЖШС мамандары қатысып, 300 түп ағаш отырғызылды.

Бұл ағаштың бір ерекшелігі атауының қасиетті Құран Кәрімнің «Ясин» сүресінің атауы берілген екен. Сондай-ақ бұл жаңа сұрыпты «Ясин» ағашының қасиеті жазда саясы қою және қоршаған ортаға оттегі молынан бөлініп, пайдасы орасан болмақ.

Ал мамандар бұл жаңа сұрыпты ағашты күздің аяғы, қыс мезгілінің басынан отырғызу қажет екендігін атап өтті.