Қарағанды облысына қарасты Октябрь ауданында «Төлеутай ата» мешітінің бас имамы Сайлау Жұмағұлұлының ұйымдастыруымен қайырымдылық іс-шарасы өтті.

Аймақтың көмекке мұқтаж, жағдайы төмен жеті отбасына азық-түлік үлестіріліп, жәрдем көрсетілді. Игі іс-шара мешіт жамағаты мен жомарт жандардың демеушілігімен жүзеге асты.

Алла Тағала Құранда: «Жақсылық жасаңдар, сонда нағыз жетістікке жетесіңдер» («Хаж» сүресі, 77-аят), «(Кімге) қандай жақсылық жасаған болсаңдар, Алла тағала оны шүбәсіз біледі» («Бақара» сүресі, 215-аят) деген. Жаңа мешіттің алғашқы тынысын қайырымдылық шараларын іске асырумен бастаған мешіттің бас имамы берекелі бастамаға қолдау көрсеткен жандарға алғыс білдірді.