ҚМДБ Төрағасы, Бас мүфти Наурызбай қажы Тағанұлының бұйрығымен Марат Асанов Шардара ауданының бас имамы болып тағайындалды.

Марат Рахметуллаұлы «Нұр-Мүбәрак» университетін тәмамдаған, дінтану мамандығының магистрі. Әр жылдары БҚО, Орал, Шымкент қалаларында наиб имамдық қызмет атқарған.

Жаңа имамды шардаралық жамағатқа облыс имамы Мұсабек Ақтамберді таныстырды. Ал, бұған дейін аудан имамы болған Асылхан Данияров орталық мешітке наиб имам қызметіне ауыстырылды. Асылхан Данияровтың 14 жылдық еңбегіне ризашылығын білдіріп, Марат Асановқа сәттілік тіледі.