Алматыда өтіп жатқан «Адамзаттың асылы – Мұстафа» атты рухани онлайн Мәуліт кешінде «Өнер қырандары» әзіл-сықақ театры мен Сәкен Майғазиевтің Смарт мектебі арнайы әзірлеген ғибратты қойылымын ел назарына ұсынды.  

Пайғамбарымызға (оған Алланың салауаты мен сәлемі болсын) деген махаббат пен сағынышқа толы қойылым көрерменнің ерекше ықыласына бөленді. Көзіқарақты көрерменге замана шындығы мен асыл дініміздің құндылықтарын шебер жеткізе білген театр артистері мен өнерлі бүлдіршіндерімізге ризашылық білдіреміз.