Ақтөбе облысы Мұғалжар ауданының бас имамы Асемхан Ерғазин «Ақтөбе» медресе-колледжінің шәкірттерімен кездесті.

Бас имам рухани білім ордасының тыныс-тіршілігімен танысып, оқу ғимараты мен жатақханасын аралады. Сондай-ақ медресе қабырғасында діни білім алып жатқан үздік 11 шәкіртке шәкіртақы табыстады. Одан бөлек Қандыағаш жамағаты атынан Мәуліт айының құрметіне ақ дастарқан жайып, құрмет көрсетті. Медресе директоры Әбдімүтәлі Дәуренбеков Мұғалжар ауданының жамағатына алғыс айтып, кәсібіне береке тіледі.