Қарағанды облысының бас имамы Өмірзақ қажы Қазкенұлы аймақтағы ел игілігі үшін қызмет етіп жатқан мешіттердің тыныс-тіршілігін бақылау үшін Теміртау орталық мешітіне ат басын бұрды.  

Теміртау орталық мешітінің бас имамы Естай Айтуғанұлы облыс бас имамына мешіттің бүгінгі тыныс-тіршілігін таныстырып, жаңалығын бөлісті. ҚМДБ-ның 30 жылдығына орай «30 игі шара» аясында бірнеше мешітте жөндеу жұмыстары жүзеге асырылғанын айтты. Сондай-ақ мешіттің асханасы да күрделі жөндеуден өткенін жеткізді.

Теміртау мешітінде көптеген жобалар ұйымдастырылып, шаралар өтіп жатыр. Облыстың бас имамы осы бастама аясында өткізілген шараларға қатысып, мешіттің ішкі-сыртқы жұмыстары мен дін қызметкерлерінің жұмыс барысын қадағалады. Сондай-ақ ғимараттың қысқы маусымға дайындығын пысықтап, тапсырмалардың уақытылы орындалуына тапсырды.