«Ақмешіт-Сырдария» орталық мешітінде ҚМДБ-ның Сыр өңірі бойынша бас имамы Болатбек Ұласқанұлының төрағалығымен имамдар жиыны өтті.

Бас имам жиында ҚМДБ тапсырмаларына 2 қарашадан бастап мешіттерде атқарылатын іс-шаралармен таныстырып, тиісті деңгейде дайындық жұмыстары жүргізілуін және тазалық талаптары қатаң сақталуын ескертті.

Мүфтият тарапынан бекітілген сақтық шараларын халыққа кеңінен түсіндіруді, онлайн режимдегі сабақтар мен уағыз-дәрістердің тұрақты өтуін және имамның тұлғалық келбетіне (киім кию үлгісі, сөйлеу әдебі, өзін-өзі ұстауы) сай болуын қадағалауды, теріс пиғылды адамдардың  ел арасында дүрбелең туғызбауын бақылауды, онлайн Мәуліт кешін өткізуді, халал өнімдерді сертификаттау, орыс тілінде уағыз-насихат жүргізу бағыттары бойынша жұмыстарды жандандыруды, жат ағымның алдын алу жұмыстарын күшейтуді, мешіт құжаттамаларын реттеуді, «30 игі шара» аясындағы  жобалардың жүзеге асуын осы қарқынмен жалғастыруды тапсырды.